Dagurinn sem allir hafa beðið eftir nálgast óðfluga. Fyrr en varir munu landsmenn flykkjast fyrir framan sjónvarpið þar sem örlög verða ráðin í beinni. Ég er að sjálfsögðu að tala um Eurovision keppnina góðu sem haldin verður 24. maí næst komandi. Líkt og með kosningahelgina hafa ýmsir boðið sig og sín híbýli fram til partýhalds og er kannski ekki úr vegi að fá allt slíkt á hreint áður en lengra er haldið.

Ég hef boðist til að vera með Eurovision samsæti/drykkju. Eru einhverjir aðrir sem bjóða sig fram? Ef um betri kost er að ræða endilega látið vita af honum (eða auðvitað ef lífshamingja ykkar veltur á því að fá að halda hið fullkomna Eurovisionpartý.) Ég vil taka það fram að ég er ekki búin að "panta" að halda partýið - einungis bjóðast til þess. Ef eitthvað finnst sem hentar betur er um að gera að athuga það.